Մայիսի 10-ին Երևանի Ազատության հրապարակում «ԵՄ-Հայաստան․ ավելի մոտ, քան երբևէ» խորագրի ներքո տեղի ունեցավ Եվրոպայի օրվա ամենամյա տոնակատարությունը, որի շրջանակում ԵՄ-ի հետ համագործակցությամբ իրականացվող ծրագրերը ներկայացան առանձին տաղավարներով՝ ներկայացնելով իրենց գործունեությունն ու նախաձեռնությունները։
«Իրավաբանների հայկական ասոցիացիա» ՀԿ-ի, «Տնտեսական զարգացման և հետազոտությունների կենտրոն» ՀԿ-ի և «Ագորա Սենթրլ Յուրոփ» ՀԿ-ի (Չեխիա) համագործակցությամբ իրականացվող «Բյուջեներ քաղաքացիների համար» ծրագիրը ևս մասնակցեց միջոցառմանը։
Ծրագրային թիմը քաղաքացիներին ներկայացրեց ծրագրի նպատակները, իրականացված նախաձեռնություններն ու գրանցված արդյունքները՝ կարևորելով մասնակցային և թափանցիկ բյուջետավարման մշակույթի զարգացումը Հայաստանում։
