- Ծրագրի անվանումը՝ «Սննդամթերքի անվտանգության համակարգի բարեփոխումներ և թռչնամսի անվտանգ սպառման խթանում Հայաստանում»
- ՔՀԿ-ի անվանումը՝ «ԲԼԵՋԱՆ» հասարակական կազմակերպություն
- Ծրագրի իրականացման վայրը՝ Գեղարքունիքի մարզ
- Ծրագրի տևողությունը՝ 6 ամիս
- Ծրագրի ընդհանուր բյուջեն՝ 2,158,000 ՀՀ դրամ
- Ծրագրի թիրախային ոլորտը՝ գյուղատնտեսություն
Ծրագրի հիմնական նպատակը․
Նպաստել Հայաստանում սննդամթերքի անվտանգության համակարգի և թռչնամսի արտադրության ոլորտի բարեփոխումների առաջմղմանը՝ սպառողների առողջության պաշտպանության և անվտանգ ու որակյալ սննդի հասանելիության տեսանկյունից։
Ծրագրի առանձնահատուկ նպատակները․
- Բացահայտել սննդամթերքի անվտանգության ռիսկերը և թռչնամսի ներմուծման ու արտադրության ոլորտներում առկա համակարգային խնդիրները։
- Վերլուծել, թե ինչպես կարող են այդ խնդիրները ազդել սպառողների առողջության և սննդամթերքի անվտանգության վրա։
- Մշակել քաղաքականության և բյուջետային առաջարկություններ, որոնք կներկայացվեն պետական իրավասու մարմիններին։
- Խթանել գիտական և հետազոտական կենտրոնների հետ արդյունավետ համագործակցությունը։
- Ապահովել անվտանգ և մրցունակ տեղական թռչնամսի հասանելիությունը սպառողների համար։
- Ընդլայնել քաղաքացիական հասարակության և մասնագիտական համայնքի մասնակցությունը բյուջետային գործընթացներում և բարձրացնել նրանց ազդեցությունը որոշումների կայացման վրա։
