Փաստաթղթի նպատակն է ուսումնասիրել պատերազմի հետևանքով հաշմանդամություն ձեռք բերած անձանց ընտանիքներում հիմնականում կանանց կողմից իրականացվող ոչ ֆորմալ, չվարձատրվող խնամքի առանձնահատկությունները, դրա սոցիալական, տնտեսական, ֆիզիկական և հոգեբանական ազդեցությունները, ինչպես նաև բացահայտել ոլորտում առկա համակարգային խնդիրներն ու աջակցության մեխանիզմների բացերը՝ հաշվի առնելով սոցիալական պաշտպանության, գենդերային հավասարության, աշխատանքի և հաշմանդամություն ունեցող անձանց իրավունքների, առողջապահության, հոգեսոցիալական աջակցության և հանրային ֆինանսների փոխկապակցվածությունը։
Սույն փաստաթուղթը մշակվել է Եվրոպական միության ֆինանսական աջակցությամբ, «Իրավաբանների հայկական ասոցիացիա» ՀԿ-ի, «Տնտեսական զարգացման եւ հետազոտությունների կենտրոն» ՀԿ-ի եւ «Ագորա Սենթրլ Յուրոփ» ՀԿ-ի (Չեխիա) հետ համագործակցաբար գործարկվող «Բյուջեներ քաղաքացիների համար» ծրագրով տրամադրված ենթադրամաշնորհի շրջանակներում «Տարածքային զարգացման եւ հետազոտությունների կենտրոն» հասարակական կազմակերպության կողմից իրականացվող «Խնամքի արժեք եւ հանրային բյուջե» ենթադրամաշնորհային ծրագրի շրջանակներում: Բովանդակության համար պատասխանատվություն է կրում «Տարածքային զարգացման եւ հետազոտությունների կենտրոն» հասարակական կազմակերպությունը, եւ պարտադիր չէ, որ այն արտահայտի Եվրոպական միության տեսակետները:
