«Ատեստավորման միջոցով որակավորում ստացած ուսուցիչներին հավելավճարների տրամադրում» միջոցառումը «Հանրակրթություն» ծրագրի միջոցառում է, որի նպատակն է տարակարգ ստացած ուսուցիչներին համապատասխան հավելավճար տրամադրել։ Որակավորման տարակարգ տրվում է 5 տարի ժամկետով, որի գործողությունը վաղաժամկետ դադարեցվում է, եթե տվյալ ուսուցիչը ատեստավորումից հետո զբաղեցրած պաշտոնին չի համապատասխանել։
2024 թվականին միջոցառմանը ուղղվել է 366․1 մլն դրամ, իսկ 2025 թվականին կուղղվի 368 մլն դրամ, որը նախորդ տարվա համեմատ աճել է 0․5 տոկոսով, կամ 1․9 մլն դրամով։
2024 թվականի 2285 ուսուցիչ ստացել է որակավորման տարակարգ, 2025 թվականին նախատեսվում է տրամադրել տարակարգի որակավորում 2074 ուսուցչի։ Համաձայն ՀՀ կառավարության որոշմամբ հաստատված` ատեստավորման միջոցով որակավորում ստացած պետական հանրակրթական ուսումնական հաստատությունների ուսուցիչներին հավելավճար տալու մասին կարգի` տարակարգ ստացած ուսուցչին տրվում է հավելավճար. առաջին աստիճանի որակավորման տարակարգի համար` ուսուցչի աշխատավարձի 10 տոկոսի, երկրորդ աստիճանի որակավորման տարակարգի համար` ուսուցչի աշխատավարձի 20 տոկոսի, երրորդ աստիճանի՝ 30 տոկոսի, իսկ չորրորդ աստիճանի տարակարգի համար` ուսուցչի աշխատավարձի 50 տոկոսի չափով:
Գծապատկերում ներկայացված են ատեստավորման միջոցով որակավորում ստացած ուսուցիչներին տրամադրվող հավելավճարների բյուջետային ֆինանսավորման գումարները: Բոլոր գումարները արտահայտված են ՀՀ դրամով:
