Կրթությունը մարդու հիմնարար իրավունք է, և պետության պարտավորությունն է ապահովել համընդհանուր հավասարապես հասանելի, ներառական և որակյալ կրթություն: Ոլորտը կառավարության գերակա ոլորտներիշարքում է:
Ըստ 2025 թվականի պետական բյուջեի մասին օրենքի կրթության ոլորտի ծրագրերին կուղղվի 324.9 մլրդ դրամ, որը նախորդ տարվա համեմատ աճել է 2.6%-ով, կամ 8.1 մլրդ դրամով։
Կրթության ոլորտում 2025 թվականին կիրականցվի 15 բյուջետային ծրագիր։
Կրթական ծրագրերի շարքում մեծ տեսակարար կշիռ ունի «Հանրակրթություն» ծրագիրն, որին կուղղվի 132.7 մլրդ դրամ, կամ կրթության ոլորտի ծրագրերի բյուջեի 41 տոկոսը։ Երկրորդը «Հանրակրթական և նախադպրոցական հաստատությունների հիմնում, կառուցում, բարելավում» ծրագիրն է՝ 84.4 մլրդ դրամ, կամ 26 տոկոս։ Հաջորդը «Գիտական և գիտատեխնիկական հետազոտությունների ծրագիրն» է՝ 33.9 մլրդ դրամ կամ 10.4 տոկոս։ Ինչպես նաև «Կրթության որակի ապահովում» ծրագիրը, որին ուղղվել է՝ 4.9 տոկոս, կամ 15.7 մլրդ դրամ։
2025 թվականին կիրակացվի մեկ նոր ծրագիր՝ «Ակադեմիական քաղաքի ստեղծում», որին կուղղվի 2.1 մլրդ դրամ։
Գծապատկերում ներկայացված է կրթության ոլորտին ուղղված բյուջետային ֆինանսավորումը 2021-2025թթ․-ին (մլրդ դրամով)
Սույն հրապարակումը մշակվել է Եվրոպական միության ֆինանսական աջակցությամբ, «Իրավաբանների հայկական ասոցիացիա» հասարակական կազմակերպության ղեկավարությամբ կոնսորցիումով գործարկվող «Բյուջեներ քաղաքացիների համար» ծրագրով տրամադրված ենթադրամաշնորհի շրջանակներում «Մեդիան հանուն կրթության» հասարակական կազմակերպության կողմից իրականացվող «Կրթության ծախսեր/քննադատական մտածողության որակ» ծրագրի շրջանակներում: Բովանդակության համար պատասխանատվություն է կրում «Մեդիան հանուն կրթության» հասարակական կազմակերպությունը, և պարտադիր չէ, որ այն արտահայտի Եվրոպական միության տեսակետները:
