«Իրավաբանների հայկական ասոցիացիա» ՀԿ-ն՝ Եվրոպական միության ֆինանսական աջակցությամբ՝ «Տնտեսական զարգացման և հետազոտությունների կենտրոն» ՀԿ-ի և «Ագորա Սենթրլ Յուրոփ» չեխական ՀԿ-ի հետ համատեղ «Բյուջեներ քաղաքացիների համար» ծրագրի շրջանակներում հայտարարում է բյուջետային ոլորտի երիտասարդ մասնագետներին աշխատանքային հիմունքներով ՔՀԿ-ում/ԶԼՄ-ում ներգրավելու նպատակով ենթադրամաշնորհային ծրագրերի երկրորդ փուլի մեկնարկը։
Ենթադրամաշնորհի նպատակն է՝ Ծրագրի շրջանակներում բյուջեի մոնիթորինգի և վերլուծության մշակելու նպատակով հայտարարված ենթադրամաշնորհային ծրագրերին դիմած ՔՀԿ-ներում և ԶԼՄ-ներում առնվազն մեկ տարով աշխատանքի անցնելու միջոցով մասնագիտական օժանդակության տրամադրում ՔՀԿ-ներին/ԶԼՄ-ներին՝ վերը նշված ենթադրամաշնորհային ծրագրերը իրականացնելու նպատակով։
Թիրախային ոլորտներն են՝
- արդարադատություն,
- կրթություն,
- սոցիալական աջակցություն
- գյուղատնտեսություն։
Նշենք, որ բյուջետային ոլորտի երիտասարդ մասնագետներին աշխատանքային հիմունքներով ՔՀԿ-ում/ԶԼՄ-ում ներգրավելու նպատակով ենթադրամաշնորհային ծրագրերի տևողությունը՝ 6 (վեց) ամիս։
Բյուջետային ոլորտի երիտասարդ մասնագետներին աշխատանքային հիմունքներով ՔՀԿ-ում/ԶԼՄ-ում ներգրավելու նպատակով ենթադրամաշնորհային ծրագրերի երկրորդ փուլի հայտերի ներկայացման վերջնաժամկետն է՝ 2025թ. հունիսի 10-ը, ժամը 18:00-ը։
Ծրագրային առաջարկի վերաբերյալ հարցեր կամ պարզաբանումներ ունենալու դեպքում, դրանք կարող եք գրավոր կարգով ներկայացնել [email protected] հասցեին, որոնք կամփոփվեն և պատասխանները կներկայացվեն իրազեկման (տեղեկատվական) հանդիպման ընթացքում։ Ենթադրամաշնորհային հնարավորությանը ամբողջությամբ ծանոթանալու համար, խնդրում ենք ուսումնասիրել հետևյալ փաստաթղթերը՝
- Բյուջետային ոլորտի երիտասարդ մասնագետներին աշխատանքային հիմունքներով ՔՀԿ-ում/ԶԼՄ-ում ներգրավելու նպատակով ենթադրամաշնորհային հայտերի ներկայացման հրավեր ՔՀԿ-ների (ԶԼՄ-ների) համար – հայտարարություն,
- Ենթադրամաշնորհային ծրագրի հայտ,
- Ծրագրի տրամաբանական կառուցվածք․ Հավելված 1,
- Իրավաբանների հայկական ասոցիացիայի Դրամաշնորհների տրամադրման քաղաքականություն։
