Հանրային քաղաքականությունների և հանրային ֆինանսների կառավարման փորձագետ է:
Ավարտել է Հայաստանի պետական տնտեսագիտական համալսարանը։
Սովորել է Թաֆթս համալսարանի Ֆլեթչերի իրավունքի և դիվանագիտության դպրոցում, ինչպես նաև Ջորջիայի պետական և Հարվարդի համալսարաններում։
Աշխատել է ՀՀ ֆինանսների նախարարությունում որպես Երկկողմ ֆինանսական և տեխնիկական համագործակցության բաժնի ղեկավար, ինչպես նաև` ՀՀ Էկոնոմիկայի նախարարությունում որպես ներդրումային քաղաքականության վարչության պետ։
Եղել է Միավորված ազգերի կազմակերպության Ֆինանսական կառավարման և ծախսերի հաշվառման ազգային փորձագետ, Եվրոպական միության պատվիրակության ավագ փորձագետ, Եվրոպական միության կողմից ֆինանսավորվող «Աջակցություն ԵՄ նախագծերի համակարգմանը» ծրագիր Հանրային քաղաքականության և կառավարման փորձագետ, Տնտեսական համագործակցության և զարգացման կազմակերպություն (ՏՀԶԿ) Հանրային քաղաքականության և կառավարման փորձագետ։

Ելենա Մանուկյանը տնտեսագիտության թեկնածու է և դասախոսում է Հայաստանի պետական տնտեսագիտական համալսարանում: Ունի ավելի քան 25 տարվա մասնագիտական աշխատանքային փորձ:

Տնտեսական զարգացման և հետազոտությունների Կենտրոնի աշխատանքներում ընդգրկված է եղել հիմնադրման օրվանից և հանդիսանում է Կենտրոնի Խորհրդի անդամ։

Աշխատել է ՀՀ Ֆինանսների և էկոնոմիկայի նախարարության Մակրոտնտեսական վերլուծությունների վարչությունում:

Ելենա Մանուկյանի մասնագիտական կարիերայի ուշագրավ մաս է հանդիսանում տվյալների վերլուծաբանի իր փորձը: Նա հանդիսացել է ՏԶՀԿ-ի կողմից մշակված և իրականացված մի շարք լայնածավալ, ՀՀ և մարզային մակարդակով ներկայացուցչական հետազոտությունների վիճակագիր և տվյալագետ:

Բացի այդ, նա ստանձնել և իրականացրել է բազմաթիվ միջազգային խորհրդատվական առաջադրանքներ՝ միջազգային առևտրի վերլուծությունների, արտահանման վրա հիմնված աճի ռազմավարության մշակման, գների և մակրոտնտեսական իրավիճակի վերլուծությունների, հանրային ծրագրերի արտաքին գնահատման և այլ թեմաներով՝ համագործակցելով այնպիսի կառույցների հետ, ինչպիսիք են Համաշխարհային բանկը, Գերմանիայի միազգային համագործակցության ընկերությունը, Ասիական զարգացման բանկը և այլն:

Բելա Գևորգյանը պետական ֆինանսների կառավարման փորձագետ է և մասնագիտացած է ծրագրային բյուջետավորման խնդիրներում: Սկսած 2007թ. աշխատել է ծրագրային բյուջետավորման ներդրման ուղղությամբ իրականացվող բազմաթիվ ծրագրերում, որոնք ներառել են թե’ մեթոդաբանական աշխատանքներ, և թե’ պետական մարմինների հետ համապատասխան մեթոդաբանության ներդրմանն ուղղղված աշխատանքներ: Նա բիզնեսի կառավարման մագիստրոսի կոչում ունի:
Վերջին 15 տարիների ընթացքւոմ մասնակցել է պետական ֆինանսների համակարգի զարգացմանն ու բարեփոխման ուղղված աշխատանքներին, մասնավորապես` ծրագրային բյուջետավորման տարածում, ֆիդուցիար կառավարման համակարգ, ԿՖԿՏՀ և այլն:

Յանա Ստեհնովան ներկայումս Պրահայի Պետական կառավարման ինստիտուտի «Հանրային կառավարում» մագիստրոսական կրթական ծրագրի մասնակից է։ Մագիստրոսի կոչում է ստացել Պրահայի Տնտեսագիտական համալսարանից՝ միջազգային քաղաքականություն և դիվանագիտություն մասնագիտացումով, ինչպես նաև լրացուցիչ աստիճան լոբբիստական և հանրային կառավարման բնագավառում:

Յանան հարուստ փորձ ունի հակակոռուպցիոն, հարկաբյուջետային և բյուջետային թափանցիկության և բաց կառավարման ոլորտներում, որը ձեռք է բերել աշխատելով Չեխիայի Հանրապետության Թրանսփարենսի Ինթերնեշնլ կազմակերպությունում, «Ագորա Սենթրլ Յուրոփ»,  Չեխիայի ASTRA ասոցիացիայում, և Integria կազմակերպությունում։ Նրա փորձը ընդգրկումում է տարբեր ոլորտներ, այդ թվում՝ ժողովրդավարացում և օրենքի գերակայություն, անդրազգային համագործակցություն, լավ կառավարում, բաց կառավարում, քաղաքական ֆինանսավորում և քարոզարշավների ֆինանսավորում:

Քաղաքացիական կրթության, հանրային քաղաքականությունների և շահերի պաշտպանության հարցերով փորձագետ է:
Հանդիսանում է «Միջմշակութային Ուսումնասիրություններ և Զարգացում» ՀԿ-ի նախագահը:
Ավարտել է ԵՊՀ կենսաբանության ֆակուլտետի կենսաֆիզիկայի բաժինը, ինչպես նաև նույն ֆակուլտետի ասպիրանտուրան: Կենսաբանական գիտությունների թեկնածու է: Հեղինակել և համահեղինակել է բազմաթիվ հոդվածներ, ուսուցողական ձեռնարկներ և հետազոտական աշխատանքներ երիտասարդական աշխատանքի, քաղաքացիական կրթության, շահերի պշատպանության, ոչ ֆորմալ ուսուցման, անհատական զարգացման և միջմշակութային ուսուցման ոլորտներում:
1993թ.-ից մինչ օրս աշխատում է որպես քաղաքացիական կրթության, շահերի պաշտպանության և երիտասարդական աշխատանքի հարցերով մասնագետ, ուսուցանող, հետազոտող և խորհրդատու՝ տարբեր տեղական և միջազգային կազմակերպությունների, պետական և հասարակական կառույցների համար:
Մասնակցել է հանրային քաղաքականությունների, մասնավորապես ՀՀ երիտասարդական քաղաքականության մշակման և զարգացման գրեթե բոլոր հիմնական ծրագրերին, իրականացրել է Եվրախորհրդի մի շարք տարածաշրջանային հետազոտություններ:

Կարինե Հարությունյանը տնտեսագիտական գիտությունների թեկնածու է և դասախոսում է Հայաստանի պետական տնտեսագիտական համալսարանի Տնտեսամաթեմատիկական մեթոդների ամբիոնում: Տնտեսական զարգացման և հետազոտությունների Կենտրոնի աշխատանքներում Կարինե Հարությունյանը ընդգրկված է եղել հիմնադրման օրվանից` իրականացնելով ինչպես փորձագիտական, այնպես էլ առանձին ծրագրերի կառավարման աշխատանքներ: 2004-ից հանդիսանում է Կենտրոնի Խորհրդի անդամ, իսկ 2012-ից իրականացնում է նաև Կենտրոնի գործադիր տնօրենի պարտականությունները: 1998-2004-ին աշխատել է ՀՀ Ֆինանսների և էկոնոմիկայի նախարարության Մակրոտնտեսական վարչությունում: 2007-2016 թվականներին խորհրդատվական ծառայություններ է մատուցել ՀՀ Ֆինանսների նախարարության Ուսուցման կենտրոնում:
Կարինե Հարությունյանը մասնագիտացած է սոցիալ-տնտեսական հետազոտությունների և վերլուծությունների ոլորտում: Ունի ավելի քան 24 տարվա փորձ։ Որպես փորձագետ և խորհրդատու ներգրավված է եղել ԵՄ, ԳՄՀԸ (GIZ), ՄԱԶԾ, ԱԶԲ, ՀԲ և այլ միջազգային կազմակերպությունների ավելի քան 60 հետազոտական և խորհրդատվական ծրագրերում՝ իրականացված թե Կենտրոնի կողմից և թե այլ կառույցների։
Նրա մասնագիտական հետաքրքրությունների շրջանակն ընդգրկում է հանրային ֆինանսների կառավարման, ծրագրային բյուջետավորման, հանրային քաղաքականությունների և ծրագրեի մոնիտորինգի և գնահատման (ՄԳ) ոլորտները։ Նա ակտիվորեն ներգրավված է այս ոլորտների՝ կենտրոնական մակարդակում իրականացվող բարեփոխումներին։

Իրավաբանների հայկական ասոցիացիայի փորձագետ․
Ակտիվ ներգրավվել է Հայաստանում անկախ հակակոռուպցիոն մարմնի մասին այլընտրանքային օրենքի նախագծման աշխատանքներին, ինչպես նաև ազդարարման համակարգի մասին օրինագծի վերանայմանը։ Սյուզաննա Սողոմոնյանը ավարտել է Հայաստանի Ամերիկյան Համալսարանը և ՀՀ Գիտությունների ազգային ակադեմիան, ստանալով իրավագիտության մագիստրոսի աստիճան։ Նա ավարտել է նաև Կենտրոնական Եվրոպական համալսարանի (CEU) «Առաջնորդում և կառավարում հանուն բարեխղճության» ամառային խորացված դասընթացը։
Նա 2020-2021 թթ․ եղել է Դատավորների ընդհանուր ժողովի էթիկայի և կարգապահական հարցերի հանձնաժողովի ոչ դատավոր անդամ։
2017թ.-ին Ս․ Սողոմոնյանը հակակոռուպցիոն առաջնորդներից մեկն էր, ով գործուղվել էր Միացյալ Թագավորություն՝ ուսուցողական հանդիպումների միջոցով օժանդակելու ՀՀ կառավարությանը 2015-2018թթ․ հակակոռուպցիոն ռազմավարության և դրա իրականացման միջոցառումների ծրագրի իրագործմանը։
Նա դասախոսում է Երիտասարդ առաջնորդների հակակոռուպցիոն դպրոցում, հանդիսացել է նաև ազգային իրավական փորձագետ և խորհրդատու ԵՄ, ԵԽ, ԵԱՀԿ, ԱՄՆ ՄԶԳ, ՄԱԿ ՓՀԳ, Միջազգային համագործակցության գերմանական ընկերության (GIZ), Ժողովրդավարության ազգային հիմնադրամի (NED), ՀՀ-ում ԱՄՆ, Չեխիայի Հանրապետության և Գերմանիայի Դաշնության դեսպանատների կողմից ֆինանսավորմամբ իրականացված ծրագրերում։

Լիլիթ Հակոբյանը տնտեսագիտության թեկնածու է, ունի ավելի քան 10 տարվա սոցիալ-տնտեսական հետազոտությունների և քաղաքականությունների վերլուծության և 5 տարվա հանրային ֆինանսների կառավարման (մասնավորապես Ծրագրային բյուջետավորման)՝ գործնական և ակադեմիական փորձ։
2013 թվականից ի վեր աշխաում է Տնտեսական զարգացման և հետազոտությունների կենտրոնում (EDRC), միաժամանակ 2018 թվականից ի վեր դասավանդում է Հայաստանի պետական տնտեսագիտական համալսարանի տնտեսամաթեմատիկական մեթոդների ամբիոնում։
Լիլիթ Հակոբյանը 2018-2022 թվականների ընթացքում մասնակցել է Գերմանիայի Միջազգային Համագործակցության Ընկերության (ԳՄՀԸ) կողմից իրականացվող Ծրագրային բյուջետավորման ռազմավարության ամբողջական ներդրման աջակցությանն ուղղված ծրագրերին, որոնց շրջանակներում մասնակցել է բյուջետային ծրագրերի կառուցվածքի և բովանդակության վերանայման, բյուջետավորման նոր մոտեցումների ներկայացման, ինչպես նաև բյուջետային գործընթացում ներգրավված պետական համակարգի աշխատակիցների կարողությունների բարձրացմանն ուղղված միջոցառումներին:
Լիլիթ Հակոբյանն ունի թե պետական և թե հասարակական ոլորտի մասնագետների կարողությունների բարելավման դասընթացների մշակման և իրականացման ավելի քան հինգ տարվա փորձ: